63 jastaǵy gýbernator óziniń úndeýinde áıelderge zorlyq-zombylyq kórsetpegenin aıtty. Ol aınalasyndaǵy jaǵdaıdy «saıası negizdelgen» dep atady.
«Qazir men qabyldaıtyn eń durys sheshim - otstavkaǵa ketý jáne ákimshilikke basqarý múmkindigin berý», dedi Endrıý Kýomo.
О́ziniń málimdemesinde gýbernator úsh qyzyna júgindi.
«Men olardyń áıelder tarapyna eshqashan qurmet kórsetpegenimdi bilgenin qalaımyn. Ákeleriń qatelik jiberse, keshirim suraımyn», dedi ol.
Endrıý Kýomonyń otstavkaǵa ketýi eki aptadan keıin kúshine enedi. Bul laýazymda ony 62 jastaǵy Keıtı Hochýl almastyrady. Ol Nıý-Iork shtatynyń alǵashqy áıel gýbernatory bolady.
Olbanı aýdandyq prokýrorynyń ókili Sesılııa Ýolshtyń aıtýynsha, gýbernator Endrıý Kýomonyń otstavkaǵa ketýi qylmystyq tergeýdiń jalǵasýyna áser etpeıdi.
3 tamyzda Nıý-Iork shtatynyń Bas prokýratýrasy 63 jastaǵy gýbernator Endrıý Kýomony jynystyq zorlyq jasady dep aıyptady. Prokýratýra esebinde 11 áıeldi qýdalaý faktileri týraly esepteri egjeı-tegjeıli sıpattalǵan. Tergeýshiler bul habarlamalardyń barlyǵy ár túrli dárejede rastaldy degen qorytyndyǵa keldi.
Gýbernator Endrıý Kýomonyń ózi aıyptaýlardy joqqa shyǵarady.
AQSh prezıdenti Djo Baıden Nıý-Iork shtatynyń gýbernatory Endrıý Kýomony jynystyq zorlyq-zombylyq týraly táýelsiz tergeý nátıjeleri jarııalanǵannan keıin qyzmetinen ketýge shaqyrdy.
