Joba «Samuryq-Qazyna» AQ kompanııalar tobynyń atynan «Samruk-Kazyna Trust» áleýmettik jobalardy damytý qorynyń bastamasymen búkil el aýmaǵynda júzege asyrylady.
3 jyl ishinde jobaǵa Qazaqstannyń KEU-nyń 360-tan astam ókili qatysyp, 120-dan astam uıym 500 myńnan 3 mıllıon teńgege deıin granttar aldy. Kommersııalyq emes uıymdar óz bıznes-modelin qura otyryp, jobalardy sátti júzege asyrýmen qatar, áleýmettik máselelerdi de sheshýge úles qosty.
«Qazaqstandyq KEU ózin-ózi óteýge kóshetin, memlekettik granttardy kútýge ýaqyt joǵaltpaıtyn kez keldi. О́ńirlerde KEU-dyń jaqsy mysaldary bar, olar qaıta qurylyp, shaǵyn kásiporyndar ashty. Bul múgedektigi bar adamdar arasynda jumyssyzdyq deńgeıin tómendetý máselelerin sheshýge septigin tıgizedi. Sondaı-aq osynyń arqasynda áleýmettik baǵalar boıynsha qyzmetterge qoljetimdilik ósýde», deıdi «Samruk-Kazyna Trust» qorynyń resmı ókili Mıras Irgebaev.
Jobanyń birinshi kezeńi 2021 jyldyń 23 tamyzynan 17 qyrkúıegine deıin jalǵasyn tabady. Kezeń barysynda tilek bildirýshilerdiń ótinimderi jınalyp, arnaıy komıssııa konkýrs sharttaryna sáıkestigine irikteý júrgizedi.
Ekinshi kezeńge ótken qatysýshylar «Inkýbator» jáne «Akselerator» baǵdarlamalarynyń birinen áleýmettik kásipkerlik, marketıng, qarjy jáne bıznestiń zańdyq aspektileri salasynda onlaın rejıminde oqý múmkindigine ıe bolady. KEU ókilderin áleýmettik kásipkerlikti damytýda zor tájirıbesi bar sarapshylar oqytady.
Ekinshi kezeńniń qorytyndysy boıynsha fınalıster anyqtalyp, olar ózderiniń áleýmettik jobalaryn konkýrstyq komıssııaǵa usynatyn bolady. Jobadaǵy úzdik ıdeıalar áleýmettik kásipkerlikti damytýǵa 3 mıllıon teńgege deıin granttar utady. Joba jeńimpazdary jeltoqsan aıynda jarııalanady.
О́tinimderdi qabyldaý erejelerimen «Samruk-Kazyna Trust» Qorynyń http://www.sk-trust.kz/ saıtynda jáne áleýmettik jelilerinde tanysýǵa bolady.
