Bul daýasyz dertti tek vaksınamen ǵana toqtata alamyz. Osy máseleni endigi jerde talqylaýdyń ózi artyq. Adamzattyń koronavırýsty zertteı bastaǵanyna 1,5 jyldan endi assa da, genetıkalyq qurylymy, shıfri qupııalarynyń jumbaǵy endi anyqtaldy. Qalaı kúresýge, aldyn alýǵa bolatyny da belgili. Obyr isigi nemese AITV vırýsymen salystyrǵanda, koronavırýstyń ómirsheń emestigi, onyń adam aǵzasyna qonaqtaıtyn ýaqyty shamamen 3 apta ekeni de ǵylymı negizde júıelenip, halyqaralyq ǵylymı yntymaqtastyqtyń, úlken qarjylyq jáne adamı resýrstardyń nátıjesinde óndiristik aınalymǵa jiberildi.
Bizde vaksınanyń tıimdiligi men qaýipsizdigi týraly ǵylymı jáne klınıkalyq derekter jetkilikti. Aýyrǵan jáne vaksınanyń tolyq kýrsynan ótken adamdar KVI-ge qarsy eń jaqsy ımmýndyq qorǵanysqa ıe ekendigi aıtylyp jatyr. Aqpan aıynda jappaı vaksına bastalǵan kezde medısına qyzmetkerleri vaksınaǵa alańdaýshylyq bildirdi. Keıinnen kóp elderde janama áser bolmaǵanyn kórdi. Qazir adamdardyń senimi paıda boldy. Bul el arasynda alypqashpa qaýesetten týǵan negizsiz áńgimelerge núkte qoıýy tıis edi. Biraq olaı bolmaı tur. Indettiń alǵashqy kezeńderinde ınfeksııa egde adamdarǵa asa qaýipti degen pikir basym edi. Qazir koronavırýs kún ótken saıyn jasaryp barady.Tipti besiktegi bóbekterden de dert belgisi tabylǵany – qaýiptiń basy. Dertti vaksına ǵana toqtata alatyny, budan basqa jol joq ekenin túsinetin kez jetti.
Abaıdýlla JAPAROV,
Qazaqstannnyń «Altyn skalpeli» ataǵynyń ıegeri,
Almaty qalalyq №5 klınıkalyq aýrýhanasy jaq-bet hırýrgııa bóliminiń meńgerýshisi
