Birinshi jaǵdaı, J. esimdi 26 jastaǵy azamatsha tóńireginde bolǵan. Ol ınternet-resýrstardy paıdalana otyryp, azamattardy mıkrokredıttik uıymdarynyń birinde taýarlyq nesıe alýǵa úgittegen.
«Ár túrli syltaýlarmen azamattardyń jeke kýálik, bank kartalary derekterin ıemdenip, olardyń atyna ár túrli MQU onlaın-qaryzdaryn rásimdegen. Qazirgi ýaqytta QR QK 190-baby 2-bóligi boıynsha tergeý amaldary júrgizilýde. Kúdikti osyǵan uqsas 6 iske qatysy bar bolǵany dáleldedi. J. esimdi azamatshanyń is-áreketinen kelgen jalpy shyǵyn shamamen 1 mıllıon teńgeni qurady», dedi Almaly aýdandyq polısııa basqarmasynyń bastyǵy Esen Ysqaqov.
Almaty polıseıleri aqparattyq tehnologııalardy paıdalana otyryp jasalatyn quqyq buzýshylyqtarǵa qarsy kúres jónindegi sharalardyń tıimdiligin arttyrýǵa baǵyttalǵan «Anti-Fraud» respýblıkalyq operasııasyn iske asyrýda. Jattyǵý 9 tamyzda bastalyp, 15-shi tamyz kúni aıaqtaldy.
«Operasııa barysynda qamalǵandar qatarynda Almaty oblysynyń týmasy, 31 jastaǵy A. esimdi azamat tutqyndaldy. Ol da adamdardy aldap, olardyń atyna shaǵyn nesıe rásimdegen. Qazirgi ýaqytta QR QK 190-baby 2-bóligi boıynsha tergeý amaldary júrgizilýde. Kúdikti osyǵan uqsas taǵy 8 qylmys jasaǵany úshin sottaldy», dep atap ótti Almaty qalasy PD krımınaldyq polısııa basqarmasynyń bastyǵy Qýatbek Naýatov.
