«Qazaqstannyń avıasııalyq ákimshiligi» AQ otandyq avıakompanııalardyń azamattyq áýe kemelerimen Aýǵanstannyń áýe keńistigin paıdalaný boıynsha qaýip-qaterge jáne táýekelder basqarmalaryna baǵalaý júrgizdi.
«Aýǵanstan aýmaǵyna jáne onyń áýe keńistiginiń ústinen ushýdy júzege asyrý kezinde jolaýshylar men áýe kemeleriniń qaýipsizdigine áser etetin táýekelder men qaterler bar dep sheshildi», dep málimdedi Qazaqstannyń avıasııalyq ákimshiligi.
Júrgizilgen baǵalaý nátıjeleri negizinde 16 tamyzda «Qazaqstannyń avıasııalyq ákimshiligi» AQ turaqty, júk jáne charterlik avıatasymaldardy oryndaıtyn Qazaqstannyń avıakompanııalaryna aǵymdaǵy jaǵdaı turaqtalǵanǵa deıin azamattyq áýe kemeleriniń Aýǵanstan aýmaǵyna jáne onyń áýe keńistiginiń ústinen barlyq ushýlarǵa tyıym salýy týraly tıisti nusqaýlar jiberdi. Osyǵan uqsas nusqaý «Qazaeronavıgasııa» RMK-ǵa jiberildi.
