«Qandaı sanattaǵy azamattarǵa ekpe alýǵa bolmaıtyndyǵy týraly san márte ret aıtyldy. Biraq «Eger vaksınanyń birinshi komponentin alǵan adamda allergııa baıqalsa, oǵan ekinshisi salyna ma?» degen saýal kópshilikti mazalap júr. Bundaı jaǵdaı óte sırek bolady. Biraq meniń tájirıbemde bundaı jaǵdaı kezdesti. Máselen, «Spýtnık V» ekpesiniń birinshi komponentin alǵan áıelde allergııalyq reaksııa baıqaldy. Endi oǵan ekinshisi salynbaıdy. Qazir biz áıelge quramy jaǵynan qarsy kórsetilimderi joq vaksınany tańdap jatyrmyz», deıdi Rafael Rozenson.
Onyń aıtýynsha, vaksına almas buryn allergııalyq asqynýdy emdep alǵan jón. Bul kóbinese maýsymdyq allergııalarǵa qatysty.
«Jaz shyǵyp, aınala jasyl jelekke oranǵanda el arasynda «pollınoz» dep atalatyn allergııa ýshyǵady. Endi onyń aıaqtalýyna da kóp qalǵan joq. Sodan keıin esh qoryqpaı vaksına ala berýge bolady», dep túsindirdi allergolog.
