Ekologııa • 18 Tamyz, 2021

Almatyda 300 myń túp aǵash otyrǵyzylady

41 ret kórsetildi

Almaty ákimi Baqytjan Saǵyntaev aldaǵy kúzgi aǵash otyrǵyzý maýsymy týraly aıtty, dep habarlaıdy Egemen.kz qala ákimdigine silteme jasap.

«Almaty» TA-nyń Akimat Live baǵdarlamasynyń tikeleı efırinde qala ákimi qyrkúıek aıynyń sońynda bastalady dep josparlanǵan kúzgi ekpelerdiń erekshelikteri týraly baıandady. Aǵash otyrǵyzý jumystary birneshe kezeńde ótedi.

Máselen, aǵashtardy jappaı otyrǵyzý eldi mekenderdiń boıyna, sonyń ishinde, negizinen Naýryzbaı men Alataý aýdandaryndaǵy Alǵabas, Shuǵyla jáne taǵy basqa turǵyn keshenderiniń aınalasyna otyrǵyzylady. Sonymen qatar, magıstraldy kóshelerdiń - Rysqulov, Abaı, ál-Farabı dańǵyldarynyń, Tımırıazev kóshesiniń boıyna otyrǵyzylady. Kóshet joq jerlerge jáne magıstraldi kóshederdegi úńgileý jumystary aıaqtalǵan – Abaı dańǵyly men Alataý kósheleriniń boıyna da aǵashtar otyrǵyzylmaq.

Úı janyndaǵy aýlalardy kógaldandyrý úshin turǵyndarmen dástúrli «Jasyl aýla» aksııasy ótkiziledi. Barlyǵy 300 myń aǵash otyrǵyzý josparlanýda.

Kóktemde Almatyda 64,5 myń aǵash otyrǵyzyldy. Bıyl tamyr jaıýy tómen ári aýrýǵa beıim bolýyna baılanysty qalada jóke aǵashy, sánaǵash, boz arsha otyrǵyzylmaıdy.

Megapolıs ákimi «Jasyl Almaty» aksııasy aıasynda Sosnovyı borda 5,5 myń qaraǵaı otyrǵyzylǵanyn aıtty. «Tabıǵat» EYU qorynyń bastamashyl toby saıabaq aýmaǵyna 350 qaraǵaı men 500 alma aǵashyn otyrǵyzdy. Jasyl jelekti kútý úshin uńǵyma jasalyp, sýarý júıesi tartyldy. Aǵashtardyń 80%-y avtomatty júıeniń arqasynda sýarylady.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar