Kezdesý barysynda qos tarap Oral jáne Ertis transshekaralyq ózenderi basseınderiniń ekojúıelerin saqtaý jáne qalpyna keltirý jónindegi Qazaqstan-Reseı yntymaqtastyǵynyń baǵdarlamalaryn iske asyrý barysyn talqylady.
Olardyń iri ózender basseınderinde (Oral, Ertis jáne t.b.) zertteýler júrgizý boıynsha biryńǵaı Jol kartasynda kózdelgen 17 is-sharanyń 10 is-sharasy 2021 jyly bastaldy, onyń 4-i jyl sońyna deıin aıaqtalatyn bolady. Qalǵan is-sharalar 2022 jyly bastalmaq. Taraptar biryńǵaı Jol kartasynyń is-sharalar kestesin iske asyrý boıynsha mindettemelerdi oryndaý sheńberinde, sondaı-aq zertteýlerdiń derekterimen almasý maqsatynda aqparat almasýdy júrgizdi. Jumys kestesine sáıkes birinshi jartyjyldyqta gıdrologııalyq derekterdi jınaý jáne almasý boıynsha is-sharalar oryndaldy.
Taraptar Pavlodar oblysynyń (Bylqyldaq jınaqtaýshy sý qoımasy aımaǵynda) jáne Omby oblysynyń (Olhovka aýylynda) aýmaǵyndaǵy Ertis ózeniniń jáne jerasty sýlarynyń sapasyna birlesken monıtorıng uıymdastyrýǵa ýaǵdalasyp, sarapshylardyń turaqty jumys kezdesýlerin ótkizýdiń jospar-kestesin bekitýge kelisti.
Qazaqstandyq tarap qazirgi ýaqytta Joǵarǵy Ertis sý qoımalary kaskadynan sý aǵyzý ekonomıkanyń barlyq salalarynyń múddeleri eskerilgen «Oba jáne Ertis ózenderiniń sý resýrstaryn keshendi paıdalaný jáne qorǵaý» shemalarynyń erejesine sáıkes keletinin atap ótti.
Kezdesýdi qorytyndylaı kele, taraptar memleket basshylarynyń qatysýymen Kókshetaý qalasynda ótetin «Ekologııa jáne jasyl damý salasyndaǵy yntymaqtastyq» taqyrybynda Reseı men Qazaqstan arasyndaǵy XVII aımaqaralyq yntymaqtastyq forýmyna daıyndyq máselelerin talqylady.
