Iranmen shekaranyń eń uzyn bóligi ornalasqan Túrkııanyń shyǵysyndaǵy Van provınsııasynda qaýipsizdik sharalary kúsheıtilgen.
Túrkııa-Iran shekarasy ýchaskesinde 6 shaqyrym modýldik beton qabyrǵa turǵyzylǵan. Bılik jyl sońyna deıin shekara qabyrǵasyna taǵy 64 shaqyrym qosýdy josparlap otyr.
«Biz búkil álemge shekaramyzdan ótýge bolmaıtynyn kórsetkimiz keledi. Aýǵanstannan qonys aýdarýshylar tolqyny bolmaıdy degen úmittemiz», dedi shyǵys shekaradaǵy Van Mehmet provınsııasynyń gýbernatory Emın Bilmez.
Túrik-Iran shekarasyndaǵy qaýipsizdikti ondaǵan brondalǵan tehnıka, drondar, beınekameralar, barlaý jáne ushqyshsyz ushý apparattary qamtamasyz etetini aıtyldy.
Patrýldik kólikter Iran jaǵyndaǵy qozǵalysty táýlik boıy baqylaıdy, ol jerden bosqyndar, kontrabandıster men kúrd jaýyngerleri Túrkııaǵa jıi ótýge tyrysady. Túrkııa taýly shekaradyǵy jaǵdaıdy da áýeden baqylap otyr.
Bul ýaqytta Túrkııa prezıdenti Rejep Taıyp Erdoǵan Eýropa elderin bosqyndardyń jańa legine jaýapkershilikti alýǵa shaqyrdy. Ol Túrkııa «bosqyndarydyń eýropalyq qoımasyna»aınalǵysy kelmeıtinin eskertti.
Bılik esepteýi boıynsha, Túrkııada 182 myń tirkelgen jáne 120 myńǵa jýyq qujatsyz aýǵan mıgranty bar.
