DDSU osy aptada Aýǵanstanǵa jetkizilýi kerek 500 tonna dári-dármekter, sonyń ishinde hırýrgııalyq jabdyqtar Kabýl áýejaıyndaǵy shekteýlerge baılanysty toqtap qaldy dep málimdedi. Basqa gýmanıtarlyq uıymdar da osyndaı qıyndyqtarǵa tap bolady.
Uıym Aýǵanstanǵa únemi jáne kedergisiz kómek kórsetýge múmkindik beretin áýe dálizin tez arada ornatýǵa shaqyrady.
DDSU-nyń tótenshe jaǵdaılar jónindegi aımaqtyq dırektory Rıchard Brennannyń aıtýynsha, shamamen 18,5 mıllıon adam – Aýǵanstan halqynyń jartysy gýmanıtarlyq kómekke muqtaj jáne qurǵaqshylyqtyń saldarynan olardyń qajettilikteri artady dep kútilýde. Alaıda, Kabýl áýejaıynyń kommersııalyq reısterge jabylýy jetkizýlerdi keshiktire tústi.
«Qazir búkil álemniń kózderi evakýasııalanǵan adamdarǵa jáne ushatyn ushaqtarǵa baılanǵan kezde, biz kómeksiz qalǵan adamdarǵa kerek-jaraqtardy jetkizýimiz kerek», dedi Brennan.
