Onlaın formatta ótken kezdesýge BUU Bas hatshysy A.Gýterrısh pen NATO Bas hatshysy I.Stoltenberg shaqyryldy.
Vırtýaldy sammıttiń nátıjeleri boıynsha beıresmı halyqaralyq klýb birqatar málimdeme jasady.
Qujatta «G7» Aýǵanstan halqyna beıildiligi jáne BUU Qaýipsizdik keńesiniń 16 tamyzdaǵy málimdemesine qoldaý kórsetilgeni rastalady.
«Biz Aýǵanstandaǵy jaǵdaıǵa úlken alańdaýshylyq bildirip, aýǵan jáne basqa da azamattardyń qaýipsizdigin qamtamasyz etý jáne gýmanıtarlyq daǵdarystyń aldyn alý úshin tynyshtyq pen ustamdylyqqa shaqyramyz. Kez kelgen jaǵdaıda halyqaralyq gýmanıtarlyq quqyqty saqtaýǵa shaqyramyz», delingen habarlamada.
Sonymen qatar, «Úlken jetilik» elderi Aýǵanstandaǵy gýmanıtarlyq máselelerdi sheshý aıasynda óńirdegi kórshiles jáne basqa da eldermen yntymaqtastyq júzege asyrylatynyn atap ótti. \Úlken jetilik (Group of Seven - jeti top, G7) - Ulybrıtanııa, Germanııa, Italııa, Kanada, Fransııa, Japonııa jáne AQSh-ty biriktiretin beıresmı halyqaralyq klýb.
