Koronavırýs • 25 Tamyz, 2021

Vaksına saldyrýǵa bolmaıtyn adamdar koronavırýstan qalaı qorǵanady?

261 ret kórsetildi

Qazir elimizde halyqty koronavırýsqa qarsy jappaı vaksınasııalaý júrip jatyr. Osy oraıda, ekpege qarsy medısınalyq kórsetilimderi bar turǵyndar da kezdesedi.  Olar COVID-19 vırýsynan qalaı qorǵanady? Bul suraqqa elordadaǵy №14 qalalyq emhana MKK terapevt dárigeri Maıa Moldahan jaýap berdi, dep habarlaıdy Egemen.kz.

Elorda ákimdiginiń saıty málimdeýinshe, anafılaktıkalyq shokty bastan keshirgen, vaksına quramyndaǵy zattarǵa allergııasy bar adamdarǵa ekpe salynbaıdy. Sonymen qatar, qazirgi ýaqytta aýyryp júrgen nemese qant dıabeti, júrektiń ıshemııalyq aýrýy syndy sozylmaly derti bolsa, ýaqytsha vaksına saldyrýǵa bolmaıdy. Budan bólek 18 jasqa deıingi balalarǵa, júkti əıelderge, bala emizetin əıelderge de ekpe salynbaıdy.

«Vaksına saldyrmaǵan adamdar qalaı qorǵana alady degenge kelsek, bul adamdar salaýatty ómir saltyn ustanýy qajet: qunarly tamaqtanyp, ımmýnıtetti kóteretin vıtamınderdi qoldaný jəne quramy dárýmenderge baı ónimderdi jıi paıdalanýy kerek. Sonymen qatar, qolyńyzdy jıi jýyp, taza aýada serýendeńiz, dene shynyqtyrýmen, gımnastıkamen aınalysyńyz jəne adam kóp jınalatyn oryndarǵa, toı-tomalaqqa barmaýǵa keńes beremin», deıdi dáriger.

Búginde 6 mıllıonnan astam qazaqstandyq koronavırýsqa qarsy vaksınanyń birinshi komponentin, al 4,9 mln adam ekinshi komponentin aldy. Ekpe alǵandar arasynda KVI-men aýyrǵandar kezdesti, biraq olarda vaksına almaǵan naýqastarǵa qaraǵanda aýyrý prosesi jeńil ótti, deıdi mamandar. Mysaly, temperatýranyń eń shegi 38 gradýsqa deıin, əlsizdik, qurǵaq jótel sııaqty belgiler ǵana bolǵan. Bul naýqastar tez arada emdelip shyqty.

Qazir Nur-Sultan qalasynda da, elimiz boıynsha da epıdemııalogııalyq ahýal kóńil kónshiterlikteı emes. Qazaqstan boıynsha kúnine 6000-nan astam adamnyń COVID-19 vırýsyn juqtyrǵany anyqtalady. Eń qorqynyshtysy, bul indetten kóz jumǵandar sany da azaımaı tur.

Sondyqtan, dárigerler turǵyndardy ekpe alýǵa shaqyrýda. Búgingi tańda tek vaksına ǵana koronavırýsqa qarsy tura alatyn jalǵyz qural bolyp tabylady.

 

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar