«Zań salasynda jumys isteıtinder úshin Konstıtýsııa kúni erekshe mereke bolyp sanalady. Bizdiń basty mindetimiz – azamattardyń quqyqtary men bostandyqtaryn qorǵaý. Qazirgi ýaqytta Ata zańǵa erekshe nazar aýdarylady. Ár adam óz eliniń Konstıtýsııasyn bilýge jáne ony árdaıym nasıhattaýǵa tıis. Konstıtýsııada barlyǵy egjeı-tegjeıli jazylǵan, normalar zańmen rettelgen. Uzaq jyldar boıy sot salasynda jumys istedim, sýdıa boldym. Alaıda alǵashqy úsh jyl tergeýshi bolyp jumys istedim. Sondyqtan bul sala maǵan da jaqyn. Oqýdy bitirgennen keıin aýdandyq sotta tergeýshi bolyp jumys istedim. Qylmystyq is júrgizetin mańyzdy adam - tergeýshi», dedi QR Joǵarǵy Sotynyń eks-sýdıasy, oblystyq sottardyń tóraǵasy Amangeldi Rysqalıev.
Kezdesý barysynda ardagerler óz tájirıbelerimen jáne paıdaly daǵdylarymen bólisti.
