Bilim • 27 Tamyz, 2021

Ekologııalyq bilim oqý júıesine ıntegrasııalanady

105 ret kórsetildi

Bıyl Tamyz konferensııasynda kóterilgen taqyryptardyń biri eldegi ekolo­gııa­lyq mádenıetti damytýǵa arnaldy. Ustazdar qaýymynyń májilisine bilim bas­qar­ma­synyń ókilderi, Nur-Sultan qalasynyń bilim berýdi jańǵyrtý ortalyǵynyń ókilderi, О́KM Operatory jáne Nur-Sultan, Qaraǵandy, Temirtaý, Semeı, Petropavl, О́skemen qalalarynyń bilim berý mekemeleriniń ókilderi qatysty.

Ekologııalyq bilim berýdi damytýdaǵy mańyzdy máselelerdiń biri – oqý úrdisine ekologııa taqyrybyndaǵy materıaldy biriktirý. Kompanııanyń basqarýshy dırektory О́KM Operatory Qaıratǵalı Haırýlla «Ekologııalyq bilimdi oqý júıesine ıntegrasııalaý» atty alǵashqy ádistemelik quraldy tanystyrdy. Mundaı quraldy mektep baǵdarlamasyna engizý óskeleń urpaqqa ekologııalyq mádenıetti ońtaıly sińirýge múmkindik beredi. Atalǵan jobada barlyq mektep pen mektepke deıingi pánder qamtylyp otyr.

Ádistemelik qural bes negizgi bólikten turady. Birinshi bólimde mektepke deıingi jáne bastaýysh synyptarǵa arnalǵan mate­­matıkalyq jáne ádebı oqý materıal­da­­ry biriktirilgen. Ekinshisinde orta jáne jo­ǵary synyptardyń oqý pro­se­sine eko-bilim berýdi engizý boıynsha ju­mystar kórsetilgen. Úshinshi bólimde Nur-Sultan qalasy oqýshylarynyń ekolo­gııa taqyrybyna arnalǵan úzdik esseleri jı­naq­talǵan. Sońǵy ekeýi qorshaǵan orta­ǵa qatysty praktıkalyq maqsattarǵa qol jet­­kizýge baǵyttalyp otyr. Jınaqty qu­­rastyrý úshin Nur-Sultan, Temirtaý, Qa­­ra­ǵandy qalalarynyń jáne Shyǵys Qazaqstan oblysynyń muǵalimderi tartyldy. Oqý ádistemelik qural recycle.kz saıtyndaǵy «ekologııalyq bilim» bóliminde kóp­shilik qoldanýy úshin júkteýge qo­ıylady.

Sonymen qatar О́KM Operatory «EkoAsar – ıgi ister marafony 2021-2022» aksııasyna bastap berdi. Jańa oqý jylynda Nur-Sultan, О́skemen, Qaraǵandy, Temirtaý jáne Semeı qalalarynda ekologııalyq «Asar» aksııasy iske qosylady.

Eske sala keteıik, alǵashqy «EkoAsar» 2020 jyldyń qyrkúıeginde iske qosyldy jáne óskeleń urpaqtyń ekologııalyq mádenıetin qalyptastyrýǵa úlken úles qosty. Qaldyqtardy bólek jınaý men óńdeýdiń mańyzdylyǵy týraly 450 myńnan astam adam tanyp, bildi. Byltyrǵy oqý jylynda oqýshylar shamamen 3 mln teńgege 99 tonna qaıtalama shıkizat j­ı­nady. Barlyq jınalǵan qarajat qaıy­rymdylyq pen mektep aýmaqtaryn kógal­dandyrýǵa baǵyttaldy, delingen Ekologııa, geologııa jáne tabıǵı resýrstar mınıstrliginiń baspasóz qyzmeti taratqan habarlamada.

 

«Egemen-aqparat»

 

Sońǵy jańalyqtar

Uqsas jańalyqtar