Qos tarap 2022 jyly Qazaqstan men Ulybrıtanııa arasyndaǵy dıplomatııalyq qatynastardyń 30 jyldyq mereıtoıyn atap ótýge belsendi daıyndyqty, onyń ishinde joǵary deńgeıdegi saparlardy uıymdastyrýdy talqylady.
Brıtandyq Elshi Nur-Sultan men London arasyndaǵy yntymaqtastyqty odan ári nyǵaıtýǵa baǵyttalǵan birlesken jumysqa kirisýge nıet bildirdi.
Kezdesý barysynda eki el arasyndaǵy strategııalyq áriptestik pen yntymaqtastyq týraly kelisimge, pandemııadan keıingi kezeńde saýda-ınvestısııalyq baılanystardy nyǵaıtýǵa, parlamentaralyq dıalogty tereńdetýge, sondaı-aq eki el arasyndaǵy mádenı-gýmanıtarlyq yntymaqtastyqty keńeıtýge erekshe nazar aýdaryldy.
Halyqaralyq kún tártibin talqylaý sheńberinde taraptar 2021 jylǵy qarashada Glazgo qalasynda ótetin SOR-26 Klımattyń ózgerýi máseleleri jónindegi konferensııaǵa qazaqstandyq delegasııanyń qatysýyn da talqylady.
