Aldymen jıynǵa qatysýshylar apattan qaza bolǵan azamattardy bir mınýt únsizdikpen eske aldy.
Jıynda sóz alǵan aımaq basshysy Berdibek Saparbaev: «О́zderińizge belgili, Memleket basshysy Qasym-Jomart Toqaev qaza bolǵan marqumdardyń otbasyna kóńil aıtý jedelhatyn jiberdi. Bul jaǵdaıdy árbir qazaqstandyq orny tolmas ókinish retinde qabyldap, ózderiniń qaıǵyǵa ortaqtasyp jatyr. Memleket basshysynyń 2021 jylǵy 28 tamyzdaǵy №210 ókimimen 29 tamyz jalpyulttyq Aza tutý kúni bolyp jarııalandy. Kúni keshe Qasym-Jomart Kemeluly «Qazaqstan Respýblıkasyna sińirgen asa úzdik eńbegi, qyzmettik boryshyn atqarýda kórsetken erjúrektigi men janqııarlyǵy» úshin Jambyl oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmeti bastyǵynyń orynbasary Meıirjan Qaqpasynuly Aımanovqa «Halyq qaharmany» ataǵyn berý týraly qaýlyǵy qol qoıdy. Erlikpen qaza tapqan azamattardyń árqaısysy marapatqa laıyqty», dedi B.Saparbaev.
Memlekettik nagrada marqumnyń ulyna tabystaldy.
Jıyn barysynda óńir basshysy «Halyq qaharmany» Meıirjan Amanovtyń qurmetine eskertkish qoıylatyn aıtty.
«Sonymen qatar Berdibek Mashbekuly, QR Qorǵanys jáne Tótenshe jaǵdaılar mınıstri «Ońtústik» óńirlik qolbasshylyǵy áskerı basqarmasyna baryp, tótenshe jaǵdaı kezinde qaza bolǵan №28349 áskerı bóliminiń vedomstvolyq kúzet komandasynyń atqyshy Orazbek Dálibaevtyń jary men ulyna III dárejeli «Aıbyn» ordenin tapsyrdy», dep jazady oblys ákiminiń baspasóz qyzmeti.
