Merekelik is-sharalar búkil respýblıka boıynsha ótýde. Olardyń eń aýqymdylary Tashkentte. Merekege oraılastyrylǵan is-sharalar «Jańa О́zbekstan» jańa saıabaǵynda ótti. Ol respýblıka mereıtoıyna arnaıy jasalǵan. Saıabaq aǵashtyń bes butaǵy ispetti, ol О́zbekstannyń damý strategııalarynyń baǵyttaryn bildiredi.
Saıabaqtyń janynda О́zbekstan táýelsizdiginiń 30 jyldyǵyna arnap «Istıklol» (Táýelsizdik) kesheni turǵyzylǵan. Ol – ózbek halqynyń 3 000 jyldyq tarıhı beınesi, ulttyq sana men О́zbekstannyń jańa kelbetiniń kórinisi. El prezıdenti Shavkat Mırzııoev barlyq ózbekstandyqtardy merekemen quttyqtady.
«1991 jyldyń 31 tamyzy respýblıka taǵdyry úshin sheshýshi bolǵan uly tarıhı oqıǵa boldy. Bolashaqqa árqashan senimmen, úlken úmitpen qaraǵan bizdiń halqymyz óziniń kóp ǵasyrlyq armanyna jetti – táýelsizdigin aldy. Biz birinshi ret Táýelsizdik kúnin osy saıabaqta atap ótip otyrmyz. Oǵan «Iаngı Ýzbeksıton» ataýy berildi. Shyn júrekten halyqty merekemen quttyqtaımyn jáne izgi tilekterimdi bildiremin», dedi Shavkat Mırzııoev.
Saltanatty is-sharalardyń sharyqtaý shegi otshashý boldy. 2021 jyly qıyn epıdemıologııalyq ahýalǵa baılanysty sharalardyń kóbi onlaın ótedi. Keıbir konsertter karantın sharalaryn saqtaı otyryp, aldyn ala jazylyp jatyr. Uıymdastyrýshylar bul jaǵdaıdyń demalys sapasy men azamattardyń merekelik kóńil-kúıine áser etpeıtinine úmittenedi.
Eske sala keteıik, О́zbekstan Respýblıkasynyń Táýelsizdik kúni 1991 jylǵy 31 tamyzda memlekettik táýelsizdikti jarııalaý qurmetine jyl saıyn 1 qyrkúıekte toılanady.
