Qazba jumystary 106-shy Aqmola kavalerııalyq dıvızııasynyń jaýyngerleri soǵysqan aýmaqta júrgizilýde. Eki apta boıy qazaqstandyq arnaıy jasaq ýkraındyq áriptesterimen birge sarbazdardyń súıekterin izdeýmen aınalysty. Izdeýshiler 116 deneniń súıegin tapty.
«Memorıaldyq aımaq» birlestiginiń jetekshisi Maıdan Qusaıynov qazba jumystary júrgizilip jatqan jerde basqa da qaldyqtar bolýy múmkin dep esepteıdi.
«Munda biz tek shetine jettik. Al ıadrosyna áli jetken joqpyz. Tereńde ondaǵan myń qaldyqtar bolýy múmkin. Onda sarbazdardyń esimderi men jeke zattary anyqtalady. Aldaǵy ýaqytta osy jerde memorıaldyq aımaq qurǵymyz keledi», dedi Qusaıynov.
Bul ekspedısııa Ýkraınada ótkizilip jatqan Qazaqstannyń tarıhı-muraǵattyq jobasynyń alǵashqy kezeńi bolyp esepteledi.
«Habar 24» málimeti boıynsha, ýkraınalyq izdeýshiler bul aımaqta bes jyldan beri qazba jumystaryn júrgizip keledi. Osy ýaqyt ishinde olar 500 sarbazdyń súıegin tapty.
