Bul týraly The Khaama Press basylymy málimdedi.
Qozǵalys ókiliniń aıtýynsha, mınıstrler kabınetin qurýǵa arnalǵan arnaıy keńes aıaqtalǵan, nátıjesi jaqyn arada jarııalanady.
Basylym málimetinshe, Aýǵanstannyń syrtqy ister mınıstri bolyp «Talıban» saıası qanatynyń jetekshisi molda Abdýl Ǵanı Baradar taǵaıyndalǵan. Sondaı-aq, eldiń Qorǵanys mınıstrliginiń basshysy qyzmetin qozǵalys jetekshisi molda Omardyń uly molda Iаkýb atqarady. Ishki ister mınıstri (IIM) Halıf Hakkanı, aǵa basshylardyń biri Djalalýddın Hakkanıdiń uly boldy.
Sondaı-aq, tálipter Aýǵanstannyń burynǵy prezıdenti Hamıd Karzaıdy jáne beıbit kelissózderdiń burynǵy qatysýshysy Abdýlla Abdýllany ótpeli kezeńde Aýǵanstandy basqaratyn 12 adamnan turatyn keńeske qosqan.
Agenttik málimeti boıynsha, jaqyn arada Aýǵanstan úkimetiniń tolyq quramy jarııalanady.
«Úkimet kelesi birneshe kúnde qurylady. Biz prosesti 90-95 paıyzǵa aıaqtadyq jaqynda nátıjesin jarııalaımyz», dedi «Talıban» ókilderiniń biri Anas Hakkanı.
