Keshe Elbasy N. Nazarbaevtyń «Qazaqstan joly–2050: bir maqsat, bir múdde, bir bolashaq» atty Qazaqstan halqyna Joldaýyn júzege asyrýdaǵy «Nur Otan» partııasy Astana qalalyq fılıaly Saıası keńesiniń otyrysy ótti. «Nur Otan» partııasy AQF tóraǵasy Imanǵalı Tasmaǵambetovtiń tóraǵalyǵymen ótken otyrysta Saıası keńestiń aldaǵy ýaqyttaǵy mindetteri aıqyndalyp, jan-jaqty talqylandy.
Keshe Elbasy N. Nazarbaevtyń «Qazaqstan joly–2050: bir maqsat, bir múdde, bir bolashaq» atty Qazaqstan halqyna Joldaýyn júzege asyrýdaǵy «Nur Otan» partııasy Astana qalalyq fılıaly Saıası keńesiniń otyrysy ótti. «Nur Otan» partııasy AQF tóraǵasy Imanǵalı Tasmaǵambetovtiń tóraǵalyǵymen ótken otyrysta Saıası keńestiń aldaǵy ýaqyttaǵy mindetteri aıqyndalyp, jan-jaqty talqylandy.
Jıynda sóz alǵan Astana qalasynyń ákimi Elbasynyń bıylǵy Joldaýynyń strategııalyq mańyzy zor ekenin aıta kele, onyń negizinde damyǵan 30 eldiń qataryna kirý mindeti turǵandyǵyn atap ótti. «Bul Joldaýdyń bir jańashyldyǵy – onda «Máńgilik El» ulttyq ıdeıasy kórinis tapqan. Osy oraıda, «Nur Otan» partııasynyń Astana qalalyq fılıalynyń aldynda Prezıdenttiń Joldaýynda aıqyndalǵan mindetterdi júzege asyrý máselesi tur», dedi I.Tasmaǵambetov.
Budan keıingi kezekte ol sóz kezegin Parlament Senatynyń depýtaty Vladımır Redkokashınge berdi. Senat depýtaty, «Elbasy N.Nazarbaevtyń Joldaýyn júzege asyrýdaǵy «Nur Otan» partııasy Astana qalalyq fılıaly Saıası keńesiniń mindetteri týraly» taqyryby boıynsha baıandama jasaı kele, Joldaýdyń mán-mańyzyna toqtaldy. «Bul Joldaýdyń tarıhı, eldi damytýdaǵy strategııalyq mańyzy orasan. Sebebi, strategııalyq qujatta memleketti alǵa jyljytatyn tetikter naqty kórsetilgen», dedi V. Redkokashın. Senat depýtaty, ásirese, Joldaýda aıtylǵan bilim jáne ǵylym, densaýlyq saqtaý júıesin damytý, memleketti áleýmettik jaǵynan jańǵyrtý máselelerine aıryqsha toqtala kele, bul salalardyń eldiń alǵa jyljýyna aıtarlyqtaı dárejede yqpal etetinin tilge tıek etti. Al elimizdegi Ázerbaıjan mádenı ortalyqtary odaǵynyń tóraǵasy Vıdadı Salahov Joldaýdaǵy «Máńgilik El» ıdeıasynyń mańyzyna mán bere otyryp, «memleket aldyndaǵy turǵan strategııalyq mindetterdi júzege asyrýda qoǵamdaǵy turaqtylyq, birlik pen kelisim aıtarlyqtaı ról atqarady» degen pikirin bildirdi.
Otyrys aıasynda Nazarbaev Ýnıversıtetiniń enshiles uıymy – «University Service Management» strategııalyq damý jáne úılestirý basqarmasynyń basshysy, «Qolqanat» bastaýysh partııa uıymynyń tóraıymy Álııa Raqysheva da sóz aldy. Ol Elbasy Joldaýynda kóterilgen eldiń bilim jáne ǵylym júıesin sapalyq deńgeıge kóterý máselesi jóninde óz oı-paıymymen bólisti. «Memleket basshysy el nazaryna usynǵan «Máńgilik El» ıdeıasy halyqtyń eńsesin kóterip, qadamyn nyqtaıtyn, keleshekke jol silteıtin temirqazyqqa aınalýy tıis. Joldaýda Elbasy nazar aýdarǵan basym baǵyttardyń biri – ǵylym salasy. Zaman aǵymyna saı, el ekonomıkasy ǵylymǵa negizdelgen óndiristi qajet etetinine kózimiz jetip otyr. Eger, álemdik tájirıbege zer salatyn bolsaq, damyǵan elder ózderiniń ishki jalpy óniminiń 3-5 paıyzyn ǵylymǵa bólip keledi. Demek, Joldaýda aıtylǵandaı, elimiz óziniń ishki jalpy óniminiń 3 paıyzyn ǵylymdy órkendetýge jumsaýy kerek», dedi Á. Raqysheva.
Otyrys sońynda Astana qalasynyń ákimi Imanǵalı Tasmaǵambetov «Nur Otan» partııasynyń Astana qalalyq fılıaly Joldaýdy halyqqa túsindirý boıynsha aqparattyq-nasıhattyq toptarynyń, uıymdastyrýshylyq, ıdeologııalyq jáne baqylaý is-sharalarynyń josparyn daıyndaýǵa aıryqsha mán berý qajettigin atap ótti.
Láıla EDILQYZY,
«Egemen Qazaqstan».
