5 qyrkúıekte Japonııa astanasyndaǵy ulttyq stadıonda jarystyń jabylý saltanaty ótti.
Paralımpıada 24 tamyzda bastaldy. Sportshylar 22 sport túri boıynsha 539 medaldar jıyntyǵyna talasty. Jalpy komandalyq esepte I-oryndy Qytaı sportshylary jeńip aldy. Olardyń enshisinde 96 altyn, 60 kúmis jáne 51 qola medal bar. Ulybrıtanııalyq sportshylar II-oryndy ıelendi (41, 38, 45), myqtylardyń úshtigin amerıkalyqtar túıindedi (37,36, 31).
Aıta ketsek, qazaqstandyq sportshylar Paralımpıada-2020 oıyndaryn bes medalmen aıaqtady, bul - ulttyq quramanyń tarıhyndaǵy eń jaqsy nátıje.
Paýerlıftıngshi Davıd Degtıarev altyn, dzıýdoshylar Ánýar Sarıev, Temirjan Dáýlet pen Zarına Baıbatına kúmis, sýǵa júzýshi Nurdáýlet Jumaǵalı qola medal aldy.
