«Búginde QR IIM Qaraǵandy akademııasy bakalavrıattyń, alǵashqy kásibı daıyndyqtyń, magıstratýranyń, doktorantýranyń jáne biliktilikti arttyrý kýrstarynyń bilim berý baǵdarlamalaryn iske asyratyn zamanaýı ǵylymı-bilim berý kesheni bolyp tabylady», dedi Oljas Seıitjanov.
Spıker Qaraǵandy akademııasy zertteýlerge 4 túrli ruqsat bere otyryp, kásibı tergeýshiler men krımınalısterdi daıarlaýdy júzege asyratyn jalǵyz oqý orny bolyp tabylatynyn alǵa tartty.
«Bul rette bizdiń akademııada jigittermen qatar qyzdar da oqıdy. Qazirdiń ózinde olardy oqytý vektory otbasyndaǵy zorlyq-zombylyq jáne kámeletke tolmaǵandarǵa qatysty qylmystar týraly qylmystyq isterdi tergeýge baǵyttalǵan», - dep tolyqtyrdy Oljas Seıitjanov.
Aıta ketsek, akademııanyń bilim berý qyzmetinde dástúrli tehnologııalarmen qatar jańa formattaǵy polıseılerge qajetti bilim, daǵdylar men biliktilikter keshenimen bolashaq IIO qyzmetkerlerin qamtamasyz etýge múmkindik beretin ınnovasııalyq tehnologııalar, ádister men tásilder belsendi qoldanylady.
