«Birinshi baǵyt boıynsha 27 is-sharany iske asyrý kózdelgen. Kásipkerlikti damytý úshin 2022 jyly «Qarapaıym zattar ekonomıkasy» jáne «Bıznestiń jol kartasy» baǵdarlamalaryn iske asyrý jalǵasatyn bolady. Jalpy, qarjylandyrý kólemi 1 trln teńgeden kem bolmaıdy», dedi Áset Erǵalıev Úkimet otyrysynda.
Onyń aıtýynsha, memlekettik qarjynyń tıimdiligin arttyrý maqsatynda memlekettik qarjyny basqarý tujyrymdamasy ázirlenedi. Tujyrymdama bıýdjet saıasatyn, memlekettik boryshty basqarý, sondaı-aq Ulttyq qordyń qarajatyn qalyptastyrý jáne paıdalaný máselelerin qamtymaq.
«О́ndirýshiden tutynýshyǵa deıingi tizbek boıynsha baǵany biryńǵaı baqylaý úshin negizgi memlekettik organ aıqyndalatyn bolady. «Jeke qosalqy sharýashylyqtar týraly» Zań ázirlenetin bolady. Aýyl sharýashylyǵynda sýbsıdııalaý tetikterin uzaq merzimdi negizde bekitý kózdelip otyr», dep túıindedi mınıstr.
