Is-shara barysynda Qazaqstan Respýblıkasy Syrtqy ister mınıstrligi Taıaý, Orta Shyǵys jáne Afrıka departamentiniń dırektory Ontalap Ońalbaev pen Iordan Hashımıt Koroldiginiń Syrtqy ister mınıstrligi Azııa jáne Okeanııa departamentiniń dırektory Malek Týal saıası, saýda-ekonomıkalyq, ınvestısııalyq jáne mádenı-gýmanıtarlyq salalardaǵy ekijaqty yntymaqtastyqtyń qazirgi jaı-kúıi men odan ári damý perspektıvalaryn qarastyrdy.
Sondaı-aq, taraptar eki eldiń halyqaralyq jáne óńirlik uıymdar aıasyndaǵy, sonyń ishinde BUU, IYU (AQIU) jáne AО́SShK aıasyndaǵy ózara is-qımylynyń keleshegine toqtaldy. Saıası konsýltasııalar sheńberinde Taıaý Shyǵysty retteýdi qosa alǵanda, halyqaralyq jáne óńirlik kún tártibindegi ózekti máseleler, Sırııadaǵy, Aýǵanstandaǵy jáne basqa da elderdegi ahýal jóninde pikirler almasty.
Konsýltasııalardyń nátıjeleri boıynsha dıplomattar jaqyn arada úkimetaralyq komıssııanyń kezekti 5-shi otyrysyn, sondaı-aq Qazaqstan-Iordan bıznes-forýmyn ótkizý týraly ýaǵdalastyqqa qol jetkizdi.
