Vedomstvonyń Shymkent qalasy boıynsha aýmaqtyq departamenti Túrkistan oblysy ákimdiginiń bilim basqarmasy ádistemelik ortalyǵynyń basshysy men eki qyzmetkerine, sondaı-aq, Shymkent qalasynyń seriktes-turǵynyna qatysty 36 mln astam teńgeni jymqyrý deregi boıynsha qylmystyq isti tergep jatyr.
«Aqshalaı qarajat orta mektep oqýshylary men kolledj stýdentterin respýblıkalyq sport is-sharalaryna daıyndaý sheńberinde tamaqtandyrýǵa arnalǵan edi.
Jymqyrý tıisti tizimdemede sportshylardyń qoldaryn qoldan jasaý arqyly júzege asyryldy. Iаǵnı, bıýdjetten qarajat bólindi, al sportshylardy tıisti deńgeıde daıarlaý júrgizilmegen», delingen habarlamada. Sondaı-aq, tergeý barysynda aıyptalýshylar aldyn ala sóz baılasý arqyly olarǵa qatysty júrgizilip jatqan tergeýdiń oń sheshimi úshin ETD jedel qyzmetkerine 6 mln teńge somasynda para bermek bolǵan.
«Ádistemelik ortalyqtyń qyzmetkerlerine 2 jyldan 7 jylǵa deıin bas bostandyǵynan aıyrý jazasy taǵaıyndaldy.
Qazirgi ýaqytta qylmystyq is Shymkent qalasynyń prokýratýrasynda.
О́zge aqparat jarııa etýge jatpaıdy», delingen habarlamada.
