Astanada Sport jáne dene shynyqtyrý isteri agenttigi elimizdiń Sochı Olımpıadasyna jeńip alǵan joldama sany men jarysqa qatysatyn otandastarymyzdyń tizimin jarııalady. Bul týraly egemen.kz tilshisi habarlady.
BAQ ókilderimen kezdesýde agenttik tóraǵasynyń orynbasary Elsııar Qanaǵatov bıylǵy Qysqy Olımpıadaǵa Qazaqstan quramasynan jarystyń 10 túrinen 58 lısenzııa alǵan 50 sportshynyń qatysatynyn málimdedi. Sonymen birge ol salystyrmaly túrde 2010 jyly Vankýverde ótken Olımpıadaǵa elimizden sporttyń 8 túrinen 37 otandasymyzdyń qatysqanyn, sondyqtan sany men sportshylardyń daıyndyǵyna qarap bıylǵy dodada sańlaqtarymyzdan kem degende eki medaldi kútýge bolatynyn aıtty. Osydan keıin ol Olımpıadanyń ashylý saltanatynda elimizdiń kók baıraǵyn shańǵy jarysynda óner kórsetetin sportshymyz Erdos Ahmadıevtiń alyp shyǵatynyn, al Qazaqstan Respýblıkasynyń týyn kóterý rásimi resmı túrde 4 aqpan kúni Olımpıada qalashyǵynda ótetinin málimdedi.«Bıylǵy Olımpıada bizdiń sportshylar, elimiz úshin eń mańyzdy jarys bolady. Qazir ulttyq qurama osy dúbirli dodaǵa tolyǵymen daıyn dep aıta alamyn. Olımpıadaǵa Qazaqstannyń resmı sporttyq delegasııasy 102 adam bolyp barady. Onyń ishinde 50 sportshy, 30 jattyqytrýshy men servısmender, 7 dáriger men massajıster, sport túrelrinen komandanyń qyzmetin úılestirý úshin qurylǵan shtabtaǵy 5 adam, Ulttyq olımpııalyq komıtet arqyly tirkelgen 5 jýrnalıst pen 5 resmı laýazym ıeleri bar,» - dedi ol.
Sonymen birge ol sportshylardyń tizimin aıtyp, bıylǵy Olımpıadaǵa shańǵy jarysyna 10 adamnyń, bıatlonnan ótetin saıysqa da 10 sportshynyń, mánerlep syrǵanaý jarysyna eki adamnyń, frıstaıldyń mogýl túirnen ótetin básekege 5 sportshynyń, frıstaıldyń akrobatıka jarysyna tórt adamnyń, short-trek pen konkımen júgirý synyna alty sportshydan, taý shańǵysy jarysyna tórt otandasymyzdyń qatysatynyn atap ótti. Al elimiz alǵash ret qatysatyn snoýbord pen shana sportyna bir-bir sportshydan kúsh synasatynyn jetkizdi. Jalpy, onyń aıtýynsha, sportshylarymyzdyń ortasha jasy – 24,3 jas. Sondaı-aq, agenttik tóraǵasynyń orynbasary bıylǵy básekege 300-ge jýyq qazaqstandyqtardyń týrıst retinde baratynyn atap kórsetti.
Dastan Kenjalın.
Derekkóz: Qazaqstan Respýblıkasy Sport jáne dene shynyqtyrý isteri agenttigi.
