28 Qańtar, 2014

Olımpıada: Elsııar Qanaǵatov shef-demıssıon bolyp bekitildi

128 ret kórsetildi

Elsiar Kanagatov

Reseıdiń Sochı qalasy men onyń mańynda ótetin Qysqy Olımpıada kezinde Qazaqstannyń sporttyq delegasııasynyń  shef-demıssıony bolyp Sport jáne dene shynyqtyrý isteri agenttigi tóraǵasynyń orynbasary Elsııar Qanaǵatov bekitildi. Bul týraly egemen.kz tilshisi habarlady.

Qazaqstan quramasy komandalary osymen 6-ret Qysqy Olımpııa oıyndaryna jeke komanda retinde qatysatyn bolady. Táýelsizdik alǵannan beri elimiz sportshylary Qysqy Olımpıadalarda 6 medaldi, sonyń ishinde bir altyn, úsh kúmis jáne eki qola júldeni ıelengenin bilemiz. Olımpıada kezinde Qazaqstannyń sporttyq delegasııasynyń  shef-demıssıony qyzmetin atqaratyn Elsııar Qanaǵatovtyń aıtýynsha, endi bıylǵy Olımpıadada sportshylarmyz kem degende eki júldeni jeńip alýǵa tyrysatyn bolady. «Qazir bárin kesip aıtý qıyn. Bárin jarystar kórsetedi. Degenmen sportshylarymyz ben jarystarymyzǵa qarasaq, bizdiń elge kem degende eki medaldi alýǵa bolady. Biraq ol altyn bola ma nemese basqa júlde bola ma ony aıtý erte», deıdi ol. Onyń aıtýynsha, qazir sportshylarymyzǵa barlyq jaǵdaı jasalǵan. Ulttyq qurama múshelerine, sonyń ishinde jattyqtyrýshylarǵa, dárigerler men massajısterge de memleket tarapynan qolda bar jaǵdaıdyń bári jasalyp otyr. Endi eń bastysy sportshylarymyz elimizdiń artqan senimin, úmitin  aqtasa ıgi, deıdi ol.

Dastan Kenjalın.

Derekkóz: Sport jáne dene shynyqtyrý isteri agenttigi.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar