Bul týraly QR Aqparat jáne qoǵamdyq damý mınıstrligi málimdedi.
Germanııa úkimeti Qazaqstan halqyna respýblıkada turatyn etnıkalyq nemisterge kómek kórsetkeni úshin alǵysyn bildirdi.
Eske sala keteıik, astanada mundaı ortalyqty qurý týraly kelisimge Qazaqstan Prezıdenti Qasym-Jomart Toqaevtyń 2019 jylǵy jeltoqsandaǵy Germanııaǵa alǵashqy resmı sapary kezinde Berlınde qol qoıylǵan bolatyn.
Ortalyqtyń qyzmeti Qazaqstan nemisteriniń etnıkalyq biregeıligin, mádenıeti men ana tilin saqtaýǵa baǵyttalady, sondaı-aq eki eldiń iskerlik qoǵamdastyǵy úshin dıalog alańy bolady.
Taspany kesý rásimine QHA Tóraǵasynyń orynbasary – Hatshylyq meńgerýshisi Marat Ázilhanov, Germanııanyń Federaldyq Úkimetiniń qonys aýdarýshylar men az ulttar isteri jónindegi ýákili Bernd Fabrısıýs, QR Parlamenti Májilisiniń depýtaty, «Vozrojdenıe» qazaqstandyq nemister birlestigi qoǵamdyq qorynyń Qamqorshylyq keńesiniń tóraǵasy Albert Raý, QR AQDM etnosaralyq qatynastardy damytý komıtetiniń tóraǵasy Ǵalym Shoıkın jáne basqalar qatysty. Bernd Fabrısıýs astanada nemis ortalyǵyn ashýdyń mańyzdylyǵyn atap ótip, Germanııa úkimetiniń atynan Qazaqstan halqyna respýblıkada turatyn etnıkalyq nemisterge kómek kórsetkeni úshin alǵysyn bildirdi.
Ortalyqtyń ashylýynyń bastamashysy Albert Raý óz sózinde: «Bul jaı ortalyq nemese keńse ǵana emes – bul nemis mádenıeti men dástúrlerine qosylǵysy keletinderge toly úı bolady», dep atap ótti.
Ortalyqtyń ashylýy men qyzmetin qarjylandyrýdy Germanııa Úkimeti men jeke demeýshiler júzege asyrady.
