Álem • 12 Qyrkúıek, 2021

Qytaıdyń ońtústik-shyǵysynda koronavırýstyń jańa oshaǵy anyqtaldy

28 ret kórsetildi

Qytaıdyń ońtústik-shyǵysyndaǵy Fýszıan provınsııasynda karantın sharalarynyń qatańdaǵanyna qaramastan koronavırýs ınfeksııasy órship jatyr, dep habarlaıdy Egemen.kz.

QHR Densaýlyq saqtaý isteri jónindegi memlekettik komıtetiniń habarlaýynsha, ótken táýlikte Fýszıan provınsııasynda 21 adam koronavırýs juqtyrǵan. Olardyń basym kópshiligi úsh mıllıonnan astam turǵyny bar teńiz jaǵasyndaǵy Pýtıan qalasynyń turǵyndary.

11 qyrkúıekten bastap COVID-19 taralý qaýpine baılanysty Pýtıanǵa (Fýszıan provınsııasy) qatynaıtyn qalaaralyq jáne aımaqaralyq marshrýttyq taksılerdiń jumysy ýaqytsha toqtatyldy, sonymen qatar basqa aımaqtarǵa baratyn jolaýshylar avtobýsy toqtatyldy.

Eldi mekendegi sporttyq, demalys, oıyn-saýyq jáne basqa da oryndar ýaqytsha jabyldy. Qaladan shyǵý úshin koronavırýsqa test tapsyrý qajet. О́tken senbide QHR Densaýlyq saqtaý isteri jónindegi memlekettik komıteti koronavırýstyń aldyn alý jáne baqylaý jumystaryn basqarý úshin Fýszıan provınsııasyna jumys tobyn jiberdi.

Resmı aqparatqa sáıkes, qurlyqtyq Qytaıda naýqastardyń 94,35%-y emdelgen. 2019 jyldyń jeltoqsan aıynan bastap juqtyrǵandar sany 95,1 myń adamnan asty. О́tken jumada qurlyqtyq Qytaıda KVI vaksınasynyń shamamen 2,13 mıllıard dozasy salyndy.

Sondaı-aq, Qytaıda COVID-19 vaksınalarynyń 60 mıllıonnan astam dozasyn 12-17 jas aralyǵyndaǵy jastar ektirgeni habarlandy.

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar