«Tereńkól aýdanynyń polıseıleri «Skotokrad» jedel aldyn alý is-sharasyn ótkizý barysynda 58 bas ıesiz mal faktisin anyqtady. Mal ıelerine qatysty úsh aılyq eseptik kórsetkish (8 751 teńge) kóleminde ákimshilik aıyppul salyndy», dep habarlady Pavlodar oblystyq polısııa departamentinen.
Tereńkólde qaraýsyz júrgen mal arnaıy aıyp turaǵyna qamaldy, dep tolyqtyrdy quqyq qorǵaý organdary.
Sol kúni Tereńkól aýylynyń mańyndaǵy Omby-Maıqapshaǵaı tas jolynda tártip saqshylary «GAZel» avtokóligin toqtatyp, onda aýyl turǵyny tıisti qujattary joq úsh jylqyny alyp bara jatqany belgili boldy. Tártip saqshylary materıal jınap, prosessýaldyq sheshim qabyldaý úshin ony aýdannyń veterınarlyq qyzmetine jiberdi.
