Bıznes obektilerinde koronavırýstyq ınfeksııanyń taralý qaýpin azaıtý úshin 2021 jylǵy 21 sáýirden bastap Aqmola oblysynda Ashyq pılottyq jobasy bastaldy.
Kókshetaýdyń bas memlekettik sanıtarlyq dárigeri Qanat Ysqaqovtyń aıtýynsha, oblys ortalyǵynda 700-den astam kásipkerlik nysany bar.
«Joba koronavırýstyq ınfeksııamen aýyratyn naýqastardy jáne úı karantıni rejımin buzǵan adamdardy anyqtaý úshin tıimdi. Búgingi tańda Ashyq qosymshasynyń kómegimen Kókshetaýda úıden oqshaýlaý rejımin saqtamaǵan 673 adamdy anyqtaýǵa múmkindik týdy, onyń 533 «qyzyl» jáne 140 «sary» mártebesi bar», dep atap ótti Q.Ysqaqov.
Sanıtarlyq dárigerdiń aıtýynsha, 2021 jyldyń 10 maýsymynan bastap KVI-men aýyratyn naýqastar úshin oqshaýlaý rejımin buzǵany úshin Ákimshilik quqyq buzýshylyq týraly kodekstiń 425 babynyń 1-shi bóligi boıynsha ákimshilik jaza kózdelgen. Osy sanksııasy boıynsha jeke tulǵalarǵa 87510 teńge (30 AEK) mólsherinde ákimshilik aıyppul qarastyrylǵan.
223 adamǵa qatysty ákimshilik materıaldar toltyrylyp, jalpy somasy 7 mln 934 myń 240 teńge aıyppul salyndy.
