Bul týraly Reuters agenttigi málimdedi.
Áıelder ótken aıda «Talıban» bılikti basyp alǵannan keıin birneshe apta ishinde jumysqa oralmaq bolǵanyn aıtty, biraq tálipter olarǵa úıde otyrýdy buıyrǵan. Tek er adamdar almastyra almaıtyn jumysqa áıelderge barýǵa ruqsat etilgen.
Kabýldyń ýaqytsha meri Hamdýlla Namononyń aıtýynsha, buǵan qurylymdyq jáne ınjenerlik bólimderdiń bilikti qyzmetkerleri, sondaı-aq áıelderge arnalǵan qoǵamdyq dárethanalardyń qyzmetkerleri kiredi. Ol Kabýl mýnısıpaldy departamentterindegi áıel qyzmetkerler týraly túpkilikti sheshim áli qabyldanbaǵanyn aıtty.
Sondaı-aq, tálipter Kabýldaǵy áıelder isteri mınıstrligin jaýyp tastady, onyń ornyna Izgilikti kótermeleý jáne jamandyqtyń aldyn-alý bólimin ashty. Mınıstrlik ǵımaratyndaǵy belgi de ózgergen.
Narazylyq sharasy «Talıban» uldar men er muǵalimderge mektepke oralýǵa ruqsat berip, al qyzdar sabaqtan shettetilgennen keıin bastaldy.
Jańa bıliktiń resmı ókili Zabıhýlla Mýdjahıd úkimette qyzdardy oqýǵa qaıtarý jospary bar ekenin, biraq qazirgi ýaqytta muǵalimderdi bóletin prosedýra «pysyqtalyp» jatqanyn atap ótti.
Osyǵan qaramastan, Aýǵanstandaǵy jaǵdaı ótken ǵasyrdyń 90-jyldaryna, búkil elde áıelder bilimine tyıym salynǵan kezge qaıta oralady degen qorqynysh bar.
Buǵan deıin áıelder Aýǵanstandaǵy quqyqtaryn saqtaýdy talap etip, birneshe ret narazylyqqa shyqqan bolatyn. Sherýge qatysýshylar áıelderdiń eldi basqarýǵa qatysýyn talap etedi, al tálipter muny joqqa shyǵardy.
