«Bizdiń málimetterimiz boıynsha Dmıtrıı Vasılev Interpol prosedýrasy aıasynda Polsha aýmaǵynda ustaldy», dedi Varshava aýdandyq prokýratýrasynyń ókili.
Agenttiktiń suhbatshysy suraý salýdy Qazaqstan jibergenin atap ótti.
«Qazirgi ýaqytta polıak tarapy bul máseleni zerttep jatyr, biraq sheshim áli qabyldanǵan joq. Oǵan qatysty ýaqytsha qamaýǵa alý túrindegi bultartpaý sharasy qoldanyldy», delingen habarlamada.
Vasılev bıtkoınder men basqa da krıptovalıýta saýdasy júrgizilgen WEX bırjasynyń jetekshisi bolǵan.
Ol Eýropalyq Odaq pen álemniń basqa aımaqtaryndaǵy ınvestorlarǵa tıesili aqshanyń 450 mıllıon dollar kóleminde joǵalyp ketýine qatysy bar dep kúdikke ilingen.
