Jasyratyny joq, jazýshynyń jetpis jyldyǵynda qoıylǵan aldyńǵy bıýst sátsiz bolǵan. Al sheber músinshi Nurbol Qalıevtiń qolynan shyqqan jańa músin kóptiń kóńilinen shyqty.
«Elge, jerge eńbegi sińgen tulǵany urpaǵy umytpaýy úshin eskertkish kerek-aq. Ekinshiden, músinshiniń sheberligi de osyndaıda tanylady. Búgin saltanatty túrde ashylyp otyrǵan jazýshynyń keýde músini óte sátti shyqqan», dedi ShQO boıynsha Jazýshylar Odaǵy fılıalynyń tóraǵasy Álibek Qańtarbaev.
Shahar basshysy Jaqsylyq Omardyń aıtýynsha, jazýshy músini turǵan О́tepov kóshesine Oralhan Bókeıdiń esimi berilýi múmkin. Ol jóninde onamastıka komıssııasyna halyqtan usynys-pikirler túsip jatyr. Iá, óte oryndy usynys. Nege degende, jazýshynyń atyndaǵy №44 mektep dál osy kósheniń boıynda tur. Ekinshiden, qarasań kóz toıatyn keýde músini tuǵyrǵa qondy.
Aıtqandaı, Altaıdyń asqaq jyrshysy Oralhan Bókeı tiri bolsa, 28 qyrkúıekte 78 jasqa tolar edi.
