Aýyl sharýashylyǵy daqylyn Túrkııa eline jetkizýdi «Qazaqstan temirjoly» ulttyq kompanııasynyń «KTZ Express» aksıonerlik qoǵamy júzege asyrady. Osy maqsatta «KTZ Express» aksıonerlik qoǵamy men túrkııanyń «Teryak group» kompanııasymen 15 myń tonna ónimdi jóneltý týraly kelisimshart jasalǵan.
«KTZ Express» aksıonerlik qoǵamy Túrkııanyń «Teryak group» holdıngimen 15 myń tonna jasymyqty jóneltý týraly kelisimshart jasasty. Iаǵnı, 600 konteınerdi tasymaldaý jumystary josparlandy», dedi «KTZ Express» AQ bas dırektory Nurlan Igembaev.
Qazirgi kezde jasymyqtyń alǵashqy partııasy arnaıy konteınerlerge tıelýde.
«Azat» JShS basshylyǵynyń aıtýynsha, júk aldaǵy dúısenbi kúnine deıin jóneltiletin bolady.
«Bizdiń kásiporynda alǵash ret bıylǵy jyldyń jasymyǵyn vagonmen emes, arnaıy konteınerler arqyly eksporttaý qolǵa alynyp otyr. Bul bizge ónimdi shashpaı jetkizýge múmkindik beredi. Qazirgi ýaqytta 2 myń tonna jasymyqty konteınerlerge tıep, jedel jóneltý boıynsha turaqty baqylaý sharalary júrgizilýde», dedi kásiporyn basshysy Qanat Tólebaev.
«KTZ Express» aksıonerlik qoǵamy kelisim shart boıynsha jyl sońyna deıin 10 myń tonna jasymyqty eksportqa tasymaldaýdy josparlap otyr.
