Is-shara onlaın formatta ótýde. Qazaqstan Respýblıkasynyń Prezıdenti Qasym-Jomart Toqaevtyń forým qatysýshylaryna úndeýin Premer-Mınıstrdiń orynbasary Roman Sklıar jetkizdi.
«Qurmetti forým qatysýshylary, Qazaqstan mashına jasaýshylarynyń IX forýmy is-sharasynyń bastalýymen quttyqtaımyn. Forým memleket pen bıznestiń praktıkalyq dıalogyna, otandyq mashına jasaý salasyndaǵy ózekti máselelerdi sheshýge arnalǵan jetekshi alańǵa aınaldy. Pandemııaǵa qaramastan, otandyq mashına jasaýshylar ekonomıkalyq kórsetkishter boıynsha kóshbasshylardyń biri bolyp tabylady. Salanyń ósim deńgeıi 24 paıyzdy qurady - bul óńdeýshi sektordyń damýyna eleýli úles. Indýstrııalandyrýdyń 10 jylynda, alǵash ret óńdeýshi ónerkásiptiń ekonomıka damýyna qosqan úlesi taý-ken óndirý salasynyń úlesinen asyp tústi. Qazaqstandyq mashına jasaýshylar qoıylǵan mindetterdi tıisti deńgeıde oryndaýda, shyǵarylatyn buıymdar nomenklatýrasyn keńeıtýde, jańa tehnologııalyq ázirlemelerdi engizýde, jalpy eldegi ekonomıkalyq ózgerister kóshbasshylarynyń qatarynda.
Memleket mashına jasaý salasynyń suranysqa ıe jobalaryn árdaıym qoldap keledi jáne qoldaıtyn bolady. Joldaýda men óńdeý ónerkásibiniń eksportyn 24 mıllıard dollarǵa deıin jáne eńbek ónimdiligin 2025 jylǵa qaraı otyz paıyzǵa ulǵaıtý mindetin qoıdym. Bul úshin memleket ónerkásiptik saıasat týraly zań qabyldaıdy, otandyq ónerkásiptik kásiporyndardy neǵurlym qoljetimdi shıkizatpen qamtamasyz etý tetigin bekitedi. Otandyq agroónerkásiptik jáne ónerkásiptik saıasatty ushtastyrý qamtamasyz etiledi. Qazaqstannyń mashına jasaý salasy ekonomıkalyq ósimniń, jumyspen qamtý men eksporttyń qozǵaýshy kúshine aınalatynyna senimdimin. Qyzmetirińizge jetistik jáne alǵa qoıǵan maqsattaryńyzǵa jetýde tabys tileımin. Qazaqstan Respýblıkasynyń Prezıdenti Qasym-Jomart Kemeluly Toqaev», dedi Roman Sklıar.
