«Vaksına alǵandardyń 90 paıyzy - bizdiń 32000-nan astam qyzmetkerlerimiz jáne bizdiń merdigerlerdiń 4000-nan astam qyzmetkerleri, ıaǵnı barlyqtaryńyz. Bul bárimiz úshin úlken jeńis!», dedi Bıdjý Naır.
«ArselorMıttal Temirtaý» AQ barlyq menedjerleri de koronavırýs ınfeksııasyna qarsy ekpe aldy.
Bıdjý Naır Elbasy - Nursultan Nazarbaevtyń, Qazaqstan Respýblıkasynyń Prezıdenti Qasym-Jomart Toqaevtyń, sondaı-aq, premer-mınıstr Asqar Mamınniń vaksına naýqanyn uıymdastyrýdaǵy rólin atap ótti.
«Qazaqstan vaksına qoljetimdi ǵana emes, olardy tańdaý múmkindigi bar sanaýly elderiniń biri. Ulttyq vaksına da ázirlendi», dedi «ArselorMıttal Temirtaý» AQ Bas dırektory.
Bıdjý Naır Qaraǵandy oblysynyń ákimi Jeńis Qasymbekke kompanııa qyzmetkerleri úshin vaksınasııany uıymdastyrýǵa belsendi kómekteskeni úshin alǵys bildirdi. Egý pýnktteri, medısına qyzmetkerleri barlyq qajetti jabdyqtarymen birge kásiporyndar aýmaǵynda jumys istedi.
Bıdjý Naır óz úndeýinde áli COVID-19 vaksınasyn almaǵan adamdardy tez arada vaksınasııalaýǵa shaqyrdy. Ol vaksınasııa - adam ómirin saqtap qalýdyń birden-bir joly ekenin eske saldy.
