Sondaı-aq ol Úkimettiń qarjy-ekonomıkalyq blogynyń jumys baǵytyna toqtaldy.
Onyń aıtýynsha, Prezıdenttiń ınflıasııany belgilengen dálizderge qaıtarý tapsyrmasyn iske asyrý maqsatynda Úkimet 2021-2024 jyldarǵa arnalǵan ınflıasııaǵa qarsy áreket etý sharalary keshenin qabyldaǵan.
«Bul sharalar kesheni sheńberinde baǵalardyń ósýin tejeıtýge jáne áleýmettik mańyzy bar azyq-túlik taýarlarynyń qoljetimdiligin ulǵaıtýǵa baǵyttalǵan jedel jáne júıeli sıpattaǵy 64 sharanyń iske asyrylýy kózdelgen», dep atap ótti premer-mınıstrdiń birinshi orynbasary.
Sonymen qatar 2022 jyly kásipkerlikti damytý úshin «Qarapaıym zattar ekonomıkasy» jáne «Bıznestiń jol kartasy» baǵdarlamalaryn iske asyrý jalǵasady.
Aıta ketetin jaıt, jalpy qarjylandyrý kólemi 1 trln teńgeni quraıdy.
