«Osy jyldyń 24 qyrkúıegindegi málimetke sáıkes, ótken táýlikte KVI-diń 137, onyń ishinde ókpe qabynýynyń 9 jaǵdaıy anyqtaldy. Jalpy, pandemııa bastalǵannan beri oblysta 32 130 resmı rastalǵan jaǵdaı tirkeldi. Onyń ishinde ókpe qabynýy – 3 447. Búginde 29 605 naýqas jazylyp shyqty.
О́kinishke qaraı, pandemııa bastalǵannan beri 529 adam qaıtys boldy. Qazirgi tańda ınfeksııalyq aýrýhanalarda 658 adam, onyń ishinde jansaqtaý bólimshesinde 84 naýqas em alýda. Karantındik stansıonarda 4 adam jatyr. Búginde aýrýhanalarda em alyp jatqan júkti áıelder sany – 51. Onyń ishinde reanımasııada 9 adam bar. Sonymen qatar 62 júkti áıel úıden emdelýde», dedi ol Ortalyq kommýnıkasııalar qyzmetindegi brıfıng barysynda.
О́ńir basshysy birinshi orynbasarynyń dereginshe, 2021 jyldyń 1-23 qyrkúıegi aralyǵynda oblys boıynsha mektep jasyndaǵy balalar arasynda koronavırýs ınfeksııasynyń 489 jaǵdaıy tirkelgen. Onyń ishinde Aqtóbe qalasynda - 362, oblys aýdandarynda 127 bala aýyryp jatyr.
«Búgingi tańda koronavırýs ınfeksııasy anyqtalǵan 123 mektepte 473 synyp qashyqtan oqý formatyna kóshirilip, úı karantınine oqshaýlandy. Oblysta karantınge jabylǵan aýysymdar men mektepter joq. Osy jyldyń 1-23 qyrkúıegi aralyǵynda pedagogtar arasynda KVI-diń 53 jaǵdaıy tirkeldi. Oblysta muǵalimder men oqýshylar arasynda KVI boıynsha kúndelikti monıtorıng júrgiziledi. Sonymen birge barlyq bilim berý nysandarynda sanıtarlyq normalardy saqtaý boıynsha qatań talap saqtalady», dedi Rýslan Hambarov.
