QR Bilim jáne ǵylym mınıstrliginiń aqparaty boıynsha, búginde elimizde 128 joǵary oqý orny jumys isteıdi, olardyń 67-si zańger mamandaryn daıarlaıdy. Sońǵy 5 jylda zańgerlerdi daıarlaýǵa 1480 grant bólindi.
Senattyń salalyq komıtetiniń tóraǵasy Vladımır Volkov óz sózinde Memleket basshysy Qasym-Jomart Toqaevtyń Qazaqstan halqyna Joldaýynda bilim berý sapasyn arttyrýǵa erekshe nazar aýdarylǵanyn atap ótti.
«Reformalardy, onyń ishinde quqyq qorǵaý jáne sot júıesindegi jańarýlardy sapaly júzege asyrý úshin qoǵam men memleketke qazirgi zamanǵy eńbek naryǵynyń talaptaryna sáıkes keletin, patrıottyq rýhtaǵy jáne adamnyń quqyqtary men bostandyqtaryn, qoǵam men memlekettiń múddesin qorǵaýdy baǵdar etken, zańtaný salasynda kásibı quzyretke ıe jańa formasııadaǵy zań kadrlary qajet», dedi senator.
Vladımır Volkov bilim berý júıesi árqashan el Prezıdentiniń erekshe baqylaýynda ekenin atap ótti.
«Quqyqtyq bilim berýde sapa taqyryby asa mańyzdy ári zerdeleýdi qajet etetindigin eskere otyryp, Komıtet barlyq múddeli taraptardy shaqyra otyryp Parlament Senatynyń qabyrǵasynda komıtet otyrysyn ótkizýdi josparlap otyr. Onyń nátıjesi 2022 jyldyń 1 toqsanynda «Qazaqstandaǵy quqyqtyq reforma: zań biliminiń sapasyn qamtamasyz etý saýaly» taqyryby boıynsha Úkimet saǵatyn ótkizý bolady, onda eldegi zań biliminiń sapasyn arttyrý týraly Úkimet atyna usynymdar ázirlenetin bolady», dedi Vladımır Volkov.
Sonymen qatar, senatorlar Nur-Sultan qalasynyń joǵary oqý oryndaryndaǵy, atap aıtqanda M.S. Nárikbaev atyndaǵy KazGIýÝ men L.N.Gýmılev atyndaǵy EUÝ-degi zańgerlik bilim berý deńgeıin tekserdi.
