«Koronavırýstyq ınfeksııanyń taralýyn boldyrmaý maqsatynda QHR Úkimeti Dostyq-Alashankoý jáne Altynkól-Qorǵas shekaralyq ótkelderinde baqylaý sharalaryn kúsheıtti.
15 tamyzdan bastap Alashankoý stansııasynda (QHR) COVID-19 aýrýynyń jańa jaǵdaılarynyń anyqtalýyna baılanysty qytaı tarapy Qytaı-Eýropa-Qytaı tranzıttik dálizi boıynsha ótetin júkterge basymdyq bere otyryp, poıyzdardy qabyldaýdy/jóneltýdi shektedi.
Qazirgi ýaqytta QR IIDM «QTJ» UK» AQ-men birlesip osy máseleni sheshý úshin barlyq qajetti sharalardy qabyldaýda:
- júkterdiń 80%-yn Altynkól-Qorǵas stansııasyna qaıta baǵyttaý;
- konteınerlik júkterdiń úlesin arttyrý;
- «QTJ» UK» AQ men Úrimshi temir jolynyń basshylyǵy deńgeıinde apta saıynǵy kezdesýlerdi jáne shekara mańy stansııalarynyń bastyqtary deńgeıinde kúndelikti keńesterdi ótkizý.
Kelissózder qorytyndysy boıynsha, Úrimshi temir jolynyń basshylyǵy qazirgi ýaqytta osy másele boıynsha jergilikti úkimetpen jumys júrgizilip jatyr dep sendirdi», delingen QR IIDM habarlamasynda.
Vedomstvoda tolyqtyrǵanyndaı, 8 aıdyń qorytyndysy boıynsha. QR men QHR arasyndaǵy júk tasymaly 14,4 mln tonnany qurap, 2%-ǵa artty, onyń ishinde konteınerlik tasymal - 579 myń JFE, ótken jyldyń sáıkes kezeńimen salystyrǵanda 35%-ǵa artty.
Jaǵdaı QR Úkimetiniń turaqty baqylaýynda, dep atap ótti QR IIDM.
