Qazaqstan • 26 Qyrkúıek, 2021

Túrkııada dúnıejúzi qazaqtarynyń kishi quryltaıy ótti

209 ret kórsetildi

Qazaqstan Táýelsizdiginiń 30 jyldyǵy aıasynda Ystanbulda «Jahandaný órkenıetindegi qazaq álemi» atty Kishi quryltaıy ótti, dep habarlaıdy Egemen.kz Dúnıejúzi qazaqtarynyń qaýymdastyǵyna silteme jasap.

Alqaly májilis bastalmas buryn jergilikti bılik ókilderi, Kishi quryltaı delegattary men qala turǵyndary túrik pen qazaqqa ortaq tulǵa Mustafa О́ztúrik atyndaǵy saıabaqtyń ashylý saltanatyna qatysty.

Saıabaq Qazaqstannyń Túrkııadaǵy Elshiligi men Ystanbuldaǵy Bas konsýldyǵynyń bastamasymen ashylyp otyr. Ashylý saltanatynda Ystanbul qalasynyń 800 myń halqy bar Baǵjylar aýdanynyń ákimi Lokman Chaǵyryjy, Qazaqstan Respýblıkasynyń Ystanbuldaǵy Bas konsýly Álim Baıel, Dúnıejúzi qazaqtarynyń qaýymdastyǵy Tóraǵasynyń birinshi orynbasary Zaýytbek Turysbekov sóz sóılep, dańqty sportshynyń eskertkishi ornatylǵan saıabaqtyń ala lentasyn kesti.

Is-sharaǵa M. О́ztúriktiń qaryndasy Perıhan men Germanııada turatyn qyzy Neslıhan da qatysty. Kishi quryltaı jumysyna Túrkııa jáne Eýropadaǵy qazaq dıasporasynyń ókilderi qatysty.

Quryltaı barysynda Qazaqstan Táýelsizdiginiń 30 jyldyǵyna oraı qandastardyń Úndeýi qabyldanyp, birqatar qatysýshylar Dúnıejúzi qazaqtarynyń qaýymdastyǵy Tóraǵasynyń birinshi orynbasary Z. Turysbekovtyń buıryǵymen «Kishi quryltaı» tósbelgisimen marapattaldy.

Quryltaı aıasynda dıasporanyń jastary úshin qazaqstandyq joǵarǵy oqý oryndarynyń «Bilim kórmesi» uıymdastyryldy. Onda Ál-Farabı atyndaǵy Qazaq ulttyq ýnıversıteti, L.N. Gýmılev atyndaǵy Eýrazııa ulttyq ýnıversıteti, Halyqaralyq Taraz ınnovasııalyq-gýmanıtarlyq ýnıversıteti ókilderi atalǵan oqý oryndary jóninde aqparattyq tanystyrylymdar jasap, syrttaǵy jastardy arnaıy bólinetin kvota sheńberinde oqýǵa shaqyrdy.

Baǵjylar aýdandyq mádenıet ortalyǵynda qala turǵyndary men qandastardyń nazaryna Qazaqstan Táýelsizdiginiń 30 jyldyǵyna arnalǵan «Altyn tamyrly Atajurt» kórmesi usynyldy. Artynsha osy jerde Táttimbet atyndaǵy akademııalyq qazaq halyq aspaptar orkestriniń gala-konserti ótti.

Sharanyń sońynda Z. Turysbekov qonaqtarǵa qazaqtyń shapanyn japsa, Á. Baıel Táýelsizdiktiń 30 jyldyǵyna arnap basylǵan kúmis estelik monetalardy syıǵa tartty.

Aıta ketsek, kelesi jyly Nur-Sultan qalasynda Dúnıejúzi qazaqtarynyń Uly quryltaıyn ótkizý josparlanýda.

Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar