Kezdesýge qatysýshylar Ortalyq Azııa elderindegi ekonomıkalyq ahýaldy qalpyna keltirý jáne kedeılikpen kúres sııaqty ózekti taqyryptardy talqylady.
Senator Olga Býlavkına óz sózinde Qazaqstanda júzege asyp jatqan azamattarǵa jumysqa ornalasý úshin múmkindikter berý, jalaqynyń ósýine járdemdesý jáne az qamtylǵan azamattardy áleýmettik qoldaýdy jetildirý saıasaty týraly áriptesterin habardar etti.
«Memleket basshysynyń tapsyrmasyna sáıkes, ashyqtyq pen ataýly bolýdy kúsheıtý úshin ataýly áleýmettik kómek taǵaıyndaý tetikterine jeke jaýapkershilikti arttyrýdy jáne kómek alýshylardy eńbekke yntalandyrýdy kózdeıtin ózgerister engizildi», dedi Olga Býlavkına.
Parlamentshiler, sondaı-aq Ortalyq Azııa elderindegi kóliktik jáne tranzıttik áleýetin iske asyrýdy údetýdiń keleshegin talqylap, óńirdegi tyǵyz úılestirýdiń mańyzdylyǵyn atap ótti. Semınar barysynda júk tranzıtiniń erkindigin qamtamasyz etý, kólik dálizderin jańǵyrtý jáne bizdiń elderimizdiń shekaralary arqyly júk tasymaldaryn kedergisiz júrgizý úshin jaǵdaı jasaý qajettigi atap ótildi.
