Oıyn bastala salysymen qos komanda da birneshe gol soǵatyn múmkindikter boldy. Ásirese, oıynnyń birinshi bóligindegi bastapqy mınýttarda qazaqstandyq fýtzalshylardyń birinshi bolyp esep ashatyn múmkindikteri bir emes eki ret paıda boldy. Biraq qazaq jigitteri ekeýinde de múlt ketti. 1-taımdy sátsiz bastaǵan otandastarymyz qaqpalaryna qatarynan eki gol kirgizip aldy.
Tek ekinshi taımda oıynshylarymyzdyń tynysy ashyla bastaǵandaı kórindi.
Oıynnyń 25-mınýtynda Dáýren Tursaǵulov esep aıyrmasyn qysqartyp berdi. 29-mınýtta Arnold Knaýb esepti teńestirdi. Al Qazaqstan quramasyna jeńis ákelgen úshinshi goldy sońǵy mınýttarda Taınan soqty.
Osylaısha alǵash ret Qazaqstan quramasy Fýtzaldan álem chempıonatynyń jartylaı fınalyna joldama aldy. Bul - ulttyq quramamyzdyń el tarıhynda qalatyn aıryqsha jetistigi. Munymen bári bitken joq. Kelesi qarsylasymyz tájirıbeli Portýgalııa quramasy.
Qazaqstan men Portýgalııa quramalary 30 qyrkúeıkte kezedesedi.
