«Sizderdiń kópshiligińiz biletindeı, men Qazaqstanda 90-shy jyldary jumys istegenmin. Men osynda oralyp, Qazaqstannyń jyldar boıy qanshalyqty damyǵanyn jeke ózim kórgenime maqtanamyn. Men úshin Qazaqstan táýelsizdiginiń jáne elderimiz arasyndaǵy dıplomatııalyq qarym-qatynastyń 30 jyldyǵynda osynda bolý úlken mártebe», dedi Ýılıam Mozer Nur-Sultanda ótken baspasóz máslıhatynda.
Dıplomat osy jyldar ishinde AQSh pen Qazaqstannyń seriktestigi jańa deńgeıge kóterilgenin aıtty.
«Ashyq aspan sharty, 10 jyldyq vızalar - bul bizdiń sátti yntymaqtastyǵymyzdyń birneshe mysaly», dep qosty ol.
Ýılıam Mozer pandemııa saldarynan kóp jerlerdi aralaı almaǵanyna ókinetinin málimdedi.
«Pandemııaǵa deıin men el boıynsha saıahattap úlgerdim. Men bul úshin óte rızamyn. Árıne, Pandemııa jalǵasýda. Sondyqtan men barlyǵyn múmkindiginshe vaksınasııalaýǵa jáne qaýipsizdik sharalaryn saqtaýǵa shaqyramyn. Bul qalypty ómirge qaıta oralýdyń jáne elderimiz arasyndaǵy baılanystardy nyǵaıtýdy jalǵastyrýdyń jalǵyz joly. Meni jyly qabyldaǵan qazaqstandyqtarǵa da rahmet. Biz Qazaqstandy saǵynatyn bolamyz», dedi ol.
