Byltyrǵy maýsym bastalarda bıatlonnan Beıjiń olımpıadasyna irikteý týrnırinde ózgeris bolatyny anyqtaldy.
Atap aıtsaq, Olımpıada kvotasy burynǵydaı Ulttar kýbogynyń qorytyndysy boıynsha berilmeıdi. Joldama úlestirý úshin arnaıy olımpıadalyq reıtıng qurylady. Koronavırýsty ınfeksııaǵa baılanysty álemdegi jaǵdaıdy eskere otyryp, uıymdastyrýshylar irikteý básekelerin 16 qańtarǵa deıin sozdy. Demek, Beıjińge baratyn komandalar men sportshylar Olımpıadanyń bastalýyna úsh apta qalǵanda tolyq anyqtalady.
Jalpy alǵanda, oryndardy bólý erejesi ózgergen joq. Olımpıadalyq reıtıngtegi úzdik úsh komanda tórtjyldyq dodasyna alty sportshysyn jibere alady. Reıtıngte tórt pen onynshy oryn aralyǵynda turǵan komandalar bes kvotaǵa úmitker bolmaq. Onynshy orynnan tómen turǵan on komandanyń da estafetada baq synaýǵa múmkindigi bar.
Eske sala keteıik, ázirge qazaqstandyq bıatlonshylarda tórt kvota bar. Reıtıngilik álem kýbogi kezeńi bıylǵy maýsymda Shvesııanyń Estersýnd qalasynda bastalady. 27-28 qarasha álem kýboginiń bıylǵy maýsymdaǵy birinshi kezeńi ótpek. Al Olımpıada qarsańyndaǵy sheshýshi kezeń 12-16 qańtar aralyǵynda Germanııanyń Rýpoldıng qalasynda uıymdastyrylady. Osy aralyqta bıatlonshylar álem kýboginiń alty kezeńinde baq synamaq.
