Qazaqstan • 30 Qyrkúıek, 2021

Sheneýnikterdiń jumsaǵan aqshasy baqylaýda bolady

55 ret kórsetildi

Qarjy-monıtorıng agenttigi jarııa laýazymdy tulǵalar men olardyń jaqyn týystary aqshamen jáne ózge múlikpen jasaǵan operasııalardy qadaǵalaıtyn bolady. Tıisti normalar Palata Spıkeri Nurlan Nyǵmatýlınniń tóraǵalyǵymen ótken QR Parlamenti Májilisiniń jalpy otyrysynda maquldanǵan «QR keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» Zań jobasynda qamtylǵan, dep habarlaıdy Egemen.kz

Májilismen Sergeı Sımonov bul zań jobasyna Parlament depýtattary bastamashy bolǵanyn habarlady.

«Qazirgi ýaqytta bizdiń elimiz 2022 jyldyń basynda josparlanyp otyrǵan qylmystyq kiristerdi zańdastyrýǵa jáne terrorızmdi qarjylandyrýǵa qarsy is-qımyl jónindegi Eýrazııalyq toptyń ózara baǵalaýynyń ekinshi raýndyn ótkizýge daıyndalýda. Osyǵan baılanysty ulttyq zańnamaǵa FATF-tyń halyqaralyq standarttarynan (aqshany jylystatýǵa qarsy kúrestiń qarjylyq sharalaryn ázirleý toptary) týyndaıtyn usynymdardy ımplementasııalaý qajet», dedi ol.

Onyń aıtýynsha, zańnamalyq sharalar sarapshylarda ózara baǵalaý kezinde týyndaýy múmkin syn-eskertpelerdi boldyrmaýǵa múmkindik beredi. Iаǵnı, bul sharalar keıinnen bizdiń elimizdi halyqaralyq uıymdar men BUU-ǵa múshe memleketter tarapynan yqtımal ekonomıkalyq sanksııalardan (embargo) saqtandyrýǵa múmkindik beredi. Zań jobasynda aldyn alý sıpatyndaǵy birqatar negizgi jańalyqtar bar.

«Birinshi - QR jarııa laýazymdy tulǵalary júzege asyratyn aqshamen jáne ózge múlikpen jasalatyn operasııalar boıynsha tıisti baqylaýdy zańnamalyq deńgeıde belgileý. Bul tulǵalardyń tizimin QR Prezıdenti bekitedi. Al qarjy monıtorıngi agenttigi óz kezeginde osy adamdardyń, olardyń otbasy músheleriniń jáne jaqyn týystarynyń jeke tizimin júrgizetin bolady. Iаǵnı, Qazaqstannyń jarııa laýazymdy tulǵalary men olardyń jaqyndary qarjy monıtorıngi sýbektilerinen tıisti qyzmetterdi alǵan kezde qoldanystaǵy «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Zańǵa sáıkes sheteldik jarııa laýazymdy tulǵalar sııaqty qosymsha tıisti tekserýden ótedi», dep naqtylady májilismen.

Jalpy, bul norma qarjylyq ashyqtyqqa qol jetkizýge jáne saıası mańyzdy laýazymdy tulǵalardyń senip tapsyrylǵan ókilettikterin paıdalanýyna baılanysty quqyq buzýshylyqtardyń aldyn alýǵa baǵyttalǵan.

«Ekinshi - sıfrlyq aktıvterdi shyǵarý, olardyń saýda-sattyǵyn uıymdastyrý, sondaı-aq sıfrlyq aktıvterdi aqshaǵa, qundylyqtarǵa jáne ózge de múlikke aıyrbastaý jónindegi qyzmetterdi usyný jónindegi qyzmetti júzege asyratyn tulǵalardy qarjy monıtorıngi sýbektilerine jatqyzý. Joǵaryda atalǵan tulǵalarǵa qarjy monıtorıngi sýbektileri mártebesin berý kóbinese sıfrlyq aıla-sharǵy jasaý arqyly jasalatyn zańsyz aqsha qarajatyn jylystatýdy qýdalaýdy ońtaılandyrýǵa jáne Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl júıesin sıfrlyq qyzmetter salasynda týyndaıtyn qaterlerge jáne QR aýmaǵy sheginde osyndaı vırtýaldy platformalardy zańsyz paıdalanýǵa daıyndaýǵa múmkindik beredi», dep habarlady parlamentshi.

Úshinshisi - mekemeniń zańdy ıesi týraly aqparattyń (tikeleı nemese janama) ashyqtyǵyn belgileý maqsatynda Qarjy monıtorıngi jónindegi ýákiletti organǵa bıznes-sáıkestendirý nómirleriniń ulttyq tiziliminiń derekterine ruqsat berý.

«Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» Zańnyń qoldanystaǵy 5-baby boıynsha klıentter qarjy monıtorıngi sýbektilerine ózderiniń benefısıarlyq menshik ıeleri týraly málimetterdi usynýǵa mindetti. Osy málimetter qazirgi ýaqytta ýákiletti organǵa erkin nysanda usynylady. Sondyqtan usynymdardy tolyq ımplementasııalaý maqsatynda QR Qarjy naryǵyn retteý jáne damytý agenttigimen jáne QR Ulttyq bankimen kelisim boıynsha qarjy monıtorıngi jónindegi ýákiletti organǵa klıentterdiń qarjy monıtorınginiń belgili bir sýbektilerine benefısıarlyq menshik ıeleri týraly málimetterdi usyný nysanyn belgileýdi kózdeıtin túzetýler usynylady», dep atap ótti depýtat.

Ol zań jobasyn qabyldaý jáne iske asyrý ulttyq qarjy júıesiniń qaýipsizdigin arttyrýǵa yqpal etedi, teris áleýmettik-ekonomıkalyq jáne quqyqtyq saldarǵa ákep soqtyrmaıdy jáne memlekettik bıýdjetten qarjylyq shyǵyndardy talap etpeıdi dep qorytyndylady.

Sońǵy jańalyqtar

Ábilhan kásipqoı boksqa aýysty ma?

Kásipqoı boks • Búgin, 12:39

7361 týrıst elge oraldy

Qoǵam • Búgin, 12:20

Rezervte qansha dáriger bar?

Koronavırýs • Búgin, 12:16

Qazposhta tarıfter qunyn tómendetti

Qazaqstan • Búgin, 11:55

Qor naryǵynda dollar taǵy arzandady

Ekonomıka • Búgin, 11:46

Elde shekteý sharalary kúsheıtildi

Koronavırýs • Búgin, 11:45

Qanat Islam reıtıngte tómendedi

Kásipqoı boks • Búgin, 10:30

«Sary» aımaqta jalǵyz-aq óńir qaldy

Koronavırýs • Búgin, 09:56

Jańa bapkerlerge úmit artamyz

Kúres • Búgin, 09:47

1142 adam koronavırýstan saýyqty

Koronavırýs • Búgin, 09:05

Jánibek tórtinshi orynda

Boks • Búgin, 08:59

Tuńǵysh ret qatysady

Qysqy sport • Búgin, 08:55

Shyrshalar «shyryldamaıdy»

Aımaqtar • Búgin, 08:52

Býblık ekinshi kezeńge ótti

Tennıs • Búgin, 08:50

Áleýmettiń ákimderden kúteri kóp

Qoǵam • Búgin, 08:45

Chempıondy kútip aldy

Sport • Búgin, 08:42

Jetisý: jaǵdaı turaqtaldy ma?

Aımaqtar • Búgin, 08:39

Úsh jylda 26 myń jumys ornyn qurmaq

Qoǵam • Búgin, 08:37

Aqtóbe:«Qańtar sabaqtary»

Aımaqtar • Búgin, 08:35

Uqsas jańalyqtar