Ekologııa • 30 Qyrkúıek, 2021

Itbalyq pen kıikti saqtaýǵa qatysty usynys aıtyldy

60 ret kórsetildi

Qazaqstanmen Reseıdiń XVII óńiraralyq yntymaqtastyq forýmynda Memleket basshysy Qasym-Jomart Toqaev Kaspıı teńiziniń ıtbalyqtary úshin Soltústik Kaspııde memlekettik rezervat qurýdy usyndy jáne Reseı Prezıdenti Vladımır Pýtınnen kıikterdiń qazaq-orys shekarasynan erkin ótýin qamtamasyz etýge kómektesýin surady, dep jazady Egemen.kz.

Foto: pexels.com

«Qazaqstan men Reseıde baı jáne biregeı ósimdikter men janýarlar álemi bar. Bul rette eki eldiń Qyzyl kitabyna engizilgen Kaspıı ıtbalyqtarynyń popýlıasııasy azaıýyna baılanysty ótkir másele týyndaıdy. Popýlıasııany saqtap qalý úshin shuǵyl sharalar qajet. Soltústik Kaspııde memlekettik rezervat qurý múmkindigin qaraýdy usynamyz», dedi Toqaev.

Memleket basshysy eki elde sırek kezdesetin taǵy bir biregeı janýar týraly aıtty.

«Bul mamont dáýirinde ómir súrgen biregeı janýar. Kıikterdiń popýlıasııasyn qorǵaý boıynsha qabyldanǵan sharalardyń arqasynda olardyń sany edáýir ósken. Meniń jarlyǵymmen Qazaqstanda kıik atýǵa tyıym saldyq. Sonymen qatar aýyl sharýashylyǵynyń keńeıýine baılanysty olardyń tirshilik etý ortasynyń qysqarýy baıqalady. Bul kıikter men aýylsharýashylyq janýarlar sýaty men jaıylymdardyń jetispeýshiligine ákelip soǵady. Kıikterdiń qonys aýdarý ereksheligin eskere otyryp, kıikterdiń maýsymdyq qozǵalysy kezinde eki el arasyndaǵy shekaradan erkin ótýin qamtamasyz etý úshin shekara qyzmetine nusqaý berý usynylady», dedi Memleket basshysy. 

Sońǵy jańalyqtar

Uqsas jańalyqtar