Qazyǵurt aýdanynyń polısııa bólimine úsh jergilikti turǵyn jalǵan vaksına pasportyn alǵany týraly jedel aqparat túsken.
Tártip saqshylary jedel izdestirý sharalary barysynda medısınalyq mekemeniń eki qyzmetkerin anyqtady. Olar qyzmettik ókilettigin paıdalanyp, vaksına pasporttaryn qoldan jasap, satqan.
Kúdiktiler mán-jaıdy anyqtaý úshin aýdandyq polısııa bólimine jetkizildi.
Belgili bolǵandaı, medısına qyzmetkerleri jergilikti úsh turǵynǵa jalǵan vaksına pasportyn jasap bergen.
Bul fakti boıynsha Qylmystyq kodekstiń 385-baby «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» boıynsha sotqa deıingi tergeý júrgizilip jatyr.
