Olar Ertis ózeniniń sýlylyǵyn ulǵaıtý men sý resýrsynyń sapasyn monıtorıngileý boıynsha pikir almasty. Bul týraly mınıstrliktiń baspasóz qyzmeti habarlady.
A.Pirimqulov Reseı tarapyna Qazaqstan tarapynyń Joǵarǵy Ertis kaskadynyń sý qoımalarynan sý jiberý QR men RF ekonomıka salalarynyń qajettilikterin, sondaı-aq Ertis ózeniniń ekojúıesin eskeretin Odaq kezinde qabyldanǵan normatıvtik qujattarǵa sáıkes júzege asyrylatynyn habarlady.
«Taraptar iri ózenderdiń basseınderinde, onyń ishinde Ertis ózeniniń basseıninde zertteýler júrgizý boıynsha yntymaqtastyqty jandandyrý boıynsha biryńǵaı jol kartasy sheńberinde oń jumystardyń bastalǵany týraly atap ótti jáne birlesken zertteýler nátıjeleri boıynsha ekologııalyq jaǵdaıdy, onyń ishinde sý qoımalarynyń rejımin jaqsartý boıynsha usynymdar ázirlenetinine senim bildirdi», delingen habarlamada.
Sondaı-aq taraptar transshekaralyq sý obektileriniń sý resýrstary jaı-kúıiniń sapaly kórsetkishterin monıtorıngteý ádistemelerin birizdilendirýge qatysty pikir almasty. Qazaqstan tarapy bul máseleni transshekaralyq sý obektilerin birlesip paıdalaný jáne qorǵaý jónindegi Qazaqstan-Reseı komıssııasynyń kezekti otyrysynda qaraýdy usyndy.
